ఐకాన్ స్టార్ అల్లు అర్జున్ సతీమణి స్నేహారెడ్డి సోషల్ మీడియాలో పంచుకున్న తాజా ఫొటోలు అభిమానులను ఆకట్టుకుంటున్నాయి. తన పిల్లలు అల్లు అయాన్, అల్లు అర్హతో పాటు కుటుంబానికి చెందిన పెంపుడు శునకాలతో గడిపిన మధుర క్షణాలను ఆమె అభిమానులతో పంచుకున్నారు.
పచ్చని తోటలో అయాన్, అర్హతో కలిసి సంతోషంగా గడిపిన ఈ క్షణాలు ఫొటోల్లో ఎంతో అందంగా కనిపించాయి. వారితో పాటు రెండు పెంపుడు శునకాలు కూడా సందడి చేశాయి. తన పిల్లలే తన ప్రపంచమంటూ స్నేహారెడ్డి భావోద్వేగంగా పేర్కొన్నారు. వారి చిన్న చిన్న అడుగులు, అమాయకమైన నవ్వులు తన జీవితాన్ని మరింత ఆనందంగా మారుస్తాయని ఆమె తన పోస్ట్లో వెల్లడించారు.
అయితే ఈ ఫొటోలను చూసిన అభిమానులు మాత్రం వెంటనే అల్లు అర్జున్ గురించి ఆరా తీయడం ప్రారంభించారు. ‘ఏఏ ఎక్కడ?’, ‘అల్లు అర్జున్ ఎక్కడ?’, ‘అందమైన ఫ్యామిలీ.. కానీ బన్నీ మిస్సయ్యారు’ అంటూ సోషల్ మీడియాలో వరుస కామెంట్లు చేస్తున్నారు.
కాగా, అల్లు అర్జున్, స్నేహారెడ్డి దంపతులు ఈ ఏడాది మార్చిలో తమ వివాహ బంధానికి 15 ఏళ్లు పూర్తైన సందర్భంగా ప్రత్యేకంగా వేడుక చేసుకున్నారు. ప్రేమ, కుటుంబం, పిల్లలు, మధుర జ్ఞాపకాలతో తమ జీవితం ఎంతో అందంగా సాగుతోందని స్నేహారెడ్డి అప్పట్లో పేర్కొన్నారు.
ఇప్పుడు పిల్లలు, పెంపుడు శునకాలతో కలిసి స్నేహారెడ్డి పంచుకున్న ఈ తాజా ఫొటోలు సోషల్ మీడియాలో వైరల్గా మారుతున్నాయి. అయితే ఫొటోల్లో అల్లు అర్జున్ కనిపించకపోవడమే అభిమానుల ఆసక్తిని మరింత పెంచింది.
