బంగారం ధరలు క్రమంగా తగ్గుముఖం పడుతున్నాయి. గత వారం రోజుల్లోనే పసిడి ధరలు సుమారు 3 శాతం మేర తగ్గాయి. అమెరికా ఫెడరల్ రిజర్వ్ వడ్డీ రేట్లను పెంచవచ్చనే అంచనాలు, మరోవైపు పెట్టుబడిదారులు లాభాల స్వీకరణకు మొగ్గు చూపడం వంటి కారణాలతో బంగారం ధరలు దిగివస్తున్నాయని మార్కెట్ నిపుణులు చెబుతున్నారు.
ఈ తగ్గుదల ధోరణి ఈ వారం కూడా కొనసాగే అవకాశం ఉందని నిపుణులు అంచనా వేస్తున్నారు.
ఇక నేటి బంగారం, వెండి ధరలను చూస్తే..
హైదరాబాద్ బులియన్ మార్కెట్లో 10 గ్రాముల 24 క్యారెట్ల బంగారం ధర రూ.1,58,230గా ఉంది. 22 క్యారెట్ల బంగారం ధర రూ.1,45,040గా నమోదైంది.
కిలో వెండి ధర రూ.2,59,900 వద్ద కొనసాగుతోంది.
ఆంధ్రప్రదేశ్, తెలంగాణలోని విజయవాడ, విశాఖపట్నం, వరంగల్, నిజామాబాద్, గుంటూరు, ఖమ్మం వంటి ప్రధాన నగరాల్లోనూ దాదాపు ఇవే ధరలు కొనసాగుతున్నాయి.
దేశంలోని ఇతర ప్రధాన నగరాల్లో స్వల్ప తేడాలతో బంగారం ధరలు ఉన్నాయి. ముంబై, కోల్కతా, బెంగళూరులో హైదరాబాద్ ధరలే కొనసాగుతుండగా.. న్యూఢిల్లీలో 10 గ్రాముల 24 క్యారెట్ల బంగారం ధర రూ.1,58,380గా ఉంది.
అయితే అంతర్జాతీయ మార్కెట్ పరిణామాల కారణంగా బంగారం ధరల్లో రోజంతా హెచ్చుతగ్గులు ఉండే అవకాశం ఉంది. కాబట్టి బంగారం లేదా వెండి కొనుగోలు చేయాలనుకునే వినియోగదారులు కొనుగోలు సమయంలో తాజా ధరలను తప్పనిసరిగా సరిచూసుకోవడం మంచిది.
