రక్షాబంధన్ సందర్భంగా టాలీవుడ్ హీరో మహేశ్బాబుతో తనకున్న ఆప్యాయమైన అనుబంధాన్ని ఆయన సోదరి మంజుల ఘట్టమనేని సోషల్ మీడియా వేదికగా హృదయానికి హత్తుకునేలా పంచుకున్నారు. మహేశ్బాబుతో కలిసి దిగిన ఫొటోను షేర్ చేస్తూ, అన్నాచెల్లెళ్ల బంధం జీవితంలో మాటల్లో చెప్పలేని ఎంతో ప్రత్యేకమైన అనుబంధమని పేర్కొన్నారు.
చిన్నప్పటి నుంచి మన నవ్వులు, కన్నీళ్లు, విజయాలు, అపజయాలు.. జీవితంలోని ప్రతి దశను మనతో కలిసి చూసే వ్యక్తులు తోబుట్టువులేనని మంజుల తెలిపారు. మనలోని మంచి, చెడు రెండింటినీ చూసినా ఎలాంటి షరతులు లేకుండా మనల్ని ప్రేమించి, అలాగే అంగీకరించే వారే అన్నాచెల్లెళ్లు అని భావోద్వేగంగా పేర్కొన్నారు.
ఎన్నో సంవత్సరాలు గడిచినా చిన్ననాటి జ్ఞాపకాలు, కలిసి పంచుకున్న క్షణాలు, ఒకరిపై మరొకరికి ఉండే ప్రేమ ఎప్పటికీ చెరిగిపోవని ఆమె తెలిపారు. మహేశ్బాబుతో తనకున్న అనుబంధం పట్ల ప్రత్యేక కృతజ్ఞతతో ఉన్నానని పేర్కొన్నారు.
తోబుట్టువులు జీవితంలో దేవుడు ఇచ్చే అత్యంత విలువైన కానుకల్లో ఒకరని చెబుతూ, అందరికీ రక్షాబంధన్ శుభాకాంక్షలు తెలిపారు. ప్రస్తుతం మహేశ్బాబు ఎస్ఎస్ రాజమౌళి దర్శకత్వంలో తెరకెక్కుతున్న ‘వారణాసి’ చిత్రంలో నటిస్తున్నారు.
